Халықты әлеуметтік қамсыздандыру және қорғау

Әлеуметтік қамтамасыз ету бойынша:
Тұрмысы жағынан аз қамтылған азаматтарға (отбасыларға) үкімет тарапынан басты әлеуметтік төлем түрлері қарастырылған: (АӘК) атаулы әлеуметтік көмек, (МБЖ) мемлекеттік балалар жәрдемақысы және (ТҮ) тұрғын үй көмегі.

1. Қазақстан Республикасының 2001 жылдың 17 шілдесіндегі «Мемлекеттік атаулы әлеуметтік көмек туралы» Заңына сәйкес, кедейшілік шегінен төмен тұратын отбасыларға (АӘК) атаулы әлеуметтік көмек төленеді.

2017 жылдың 1 маусымына АӘК алушылар саны 314 отбасы, оның ішінде 1250 адамды құрап, 22,9 млн.теңге төленген.

2. Қазақстан Республикасының 2005 жылдың 28 маусымындағы  «Балалы отбасыларға берілетін мемлекеттік жәрдемақылар туралы» Заңына сәйкес 18 жасқа дейінгі балалары бар аз қамтылған отбасыларға 1,05 АЕК көлемінде жәрдемақы қарастырылған.

18 жасқа дейінгі балаларға арналған жәрдемақы 2017 жылдың 1 маусымына 7108 отбасына (немесе 18055 балаға) 183,6 млн.теңге төленген.
3. Қазақстан Республикасының «Тұрғын үй қатынастары туралы» Заңына сәйкес тұрғын үй көмегін көрсетудің тәртібі мен мөлшері жергілікті уәкілетті органдардың шешімімен анықталып, халықтың әлжуаз топтарына тұрғын үй көмегі төлененуде. Облыс бойынша тұрғын үй көмегі 2017 жылдың 1 маусымына 4067 отбасыға 66,5 млн. теңге көлемінде көрсетілді.
Ұлы Отан соғысының қатысушылары мен мүгедектеріне республикалық бюджеттен  төленетін арнаулы мемлекеттік жәрдемақыдан басқа, жергілікті өкілетті органдардың шешімдеріне сәйкес, жергілікті бюджет есебінің мүмкіндігіне қарай қосымша әлеуметтік көмектер қарастырылған: атаулы және мерекелік күндерге төленетін біржолғы әлеуметтік көмек және коммуналдық шығындарды өтеу үшін төленетін ай сайынғы әлеуметтік көмек.


Жергілікті бюджеттен (ЖБ) санаттар бойынша төленетін біржолғы әлеуметтік көмектің мөлшері:
•  ҰОС –ның қатысушылары мен мүгедектері –ЖБ-тен 150,0 мың тенге;
•  Ленинград қоршауының тұрғындары – ЖБ-тен 20,0 мың тенге (Орал қаласында-60,0 мың теңге);
•  фашисттік лагерь тұтқындары – ЖБ-тен 20,0 мың тенге (Орал қаласында- 60,0 мың теңге);
•  міндеттер атқарған қызметкерлері – ЖБ-тен 20,0 мың тенге (Орал қаласында-60,0 мың теңге);
•  ҰОС қаза болған жауынгерлердің қайта тұрмыс құрмаған жесірлері –ЖБ-тен  20,0 мың тенге (Орал қаласында-15,0 мың теңге);
•  қайтыс болған соғыс мүгедектерінің - ЖБ-тен 15,0 мың тенге;
• 1941 жылғы 22 масым 1945 жылғы 9 мамыр аралығында кемінде алты ай жұмыс істеген (әскери қызмет өткерген) адамдар – Жб-тен 10,0 мың теңге (марапатталған тыл еңбеккерлеріне-15,0 мың теңге).

Сонымен қатар, облысымызда Ұлы Отан соғысының қатысушылары мен мүгедектеріне және Ленинградта қоршауда болғандарды, концлагерде тұтқында болған адамдарға ай сайынғы коммуналдық қызметтерді төлеу үшін берілетін айсайынғы әлеуметтік көмектің көлемі 5 айлық есептік көрсеткіш мөлшерінде, ал Ұлы отан соғысының қатысушылары мен мүгедектеріне теңестірілген азаматтарға 2 айлық есептік көрсеткіш мөлшерінде.
Осы орайда, Ұлы Жеңістің 72 жылдығын мерекелеуге орай, 9295 адамға жергілікті бюджеттен 118,6 млн.теңге көлемінде біржолғы әлеуметтік көмек  көрсетілді.

Сауалнама

Бос уақытыңызда Сіз дене шынықтыру және спортпен айналысасыз ба?
Мекен-жай
Қазақстан Республикасы, Батыс Қазақстан облысы, Орал қаласы, Достық-Дружбы, даңғылы, 179
Сайтты қолдау
IT Group Kazakhstan