Жалпы шолу

Батыс Қазақстан облысы дене шынықтыру және спорт басқармасының  2017 жылы атқарылған жұмыстары бойынша қорытынды ақпарат

Жоғары жетістіктер спорты

Күні бүгінге Батыс Қазақстан облысында 74 спорт түрі дамытылып келеді, соның ішінде 31 олимпиадалық, 29 олимпиадалық емес, 9 ұлттық, 5 техникалық және мүгедектер спорт түрлері.

2017 жылы облыс спортшылары спорт түрлері бойынша ресми республикалық және халықаралық жарыстарда (Әлем, Азия, Қазақстан Республикасының чемпионаттары) барлығы 612 медаль (178 алтын, 186 күміс, 248 қола) ұтып алды, ал 2016 жылы 492 медаль (170 алтын, 148 күміс, 174 қола).

Облыста 23 балалар-жасөспірімдер спорт мектебі, Олимпиада резервтерін даярлау орталығы, Облыстық жоғары спорттық шеберлігі мектебі, Спортта дарынды балаларға арналған мамандандырылған облыстық мектеп-интернаты, 11 спорт клубы, оның ішінде 3-і кәсіпқой клуб («Ақжайық» спорт клубы» ЖШС, «Жайық» волейбол клубы» МКҚК, «Ақжайық» футбол клубы» ЖШС) жұмыс істейді.

2016 жылғы 9 қыркүйектегі Үкіметтің кеңейтілген отырысының хаттамасына сәйкес ҚР Ұлттық экономика министрлігі оларды бәсекелес ортаға беру мақсатында мемлекеттік органдардың бағынысты ұйымдарына түгендеуді жүргізді.

Батыс Қазақстан облысының дене шынықтыру және спорт басқармасы бойынша қайта ұйымдастыруға 2 ұйым ұсынылды:

1) «Велосипед спорты түрлері бойынша облыстық балалар-жасөспірімдер спорт мектебі» МКҚК-н «Облыстық балалар-жасөспірімдер спорт мектебі» МКҚК-на қосу жолымен;

2) «Су спорты түрлері бойынша балалар-жасөспірімдер спорт мектебі» МКҚК-н «Мұз спорт сарайы- балалар-жасөспірімдер спорт мектебі» МКҚК-на қосу жолымен.

Күні бүгінге екі ұйым бойынша қайта құру жұмысы толық аяқталды.

Облыс бойынша 23 балалар-жасөспірімдер спорт мектебінде 11 639 адам шұғылданып келеді және аталған мектептерде 45 спорт түрі дамытылады (27 олимпиадалық спорт түрі). 2016 жылмен салыстырғанда спорт мектептердегі шұғылданушылардың саны 5,4 % өсіп отыр.(2016 жылы –11 038 адам).

Аталған балалар – жасөспірімдер спорт мектептерінде 515 жаттықтырушы жұмыс жасап келеді (2016 жыл – 504 адам).

Аумақтық дамыту бағдарламасының көрсеткіші 7 жастан 18 жасқа дейін балалар-жасөспірімдер спорт мектептерінде, балалар-жасөспірімдер дене дайындығы бойынша спорт клубтарда, спорт клубтар бойынша облыста 17 157 адам жаттығады (2016 жылы-16 665адам). Ол облыстағы 7-18 жас аралығындағы халықтың 16,5 % құрайды.

Бұқаралық спорт

Бұқаралық спортты дамыту, салауатты өмір салтын насихаттау мақсатында  2017 жылы облыста 136633 адамның қатысуымен  2665 спорттық-бұқаралық іс-шаралар ұйымдастырылды. Оның ішінде 2789 адамның қатысуымен 23 республикалық және халықаралық деңгейдегі жарыстар (2016 жылы 3 045 адамның қатысуымен 19 шара).

Бүгінгі күні дене шынықтыру және спортпен тұрақты шұғылданушылардың жалпы саны 175245 адамды құрайды, ол облыс халқының 27,1%. 2016 жылмен салыстырғандашұғылданушылар саны 0,4% өсіп отыр. (2016жылы – 170650 адамды немесе облыс тұрғындарының 26,7%).

Қазіргі таңда облыс бойынша 380 мектепте 97 792 оқушы білім алады. 2017-2018 оқу жылында облыс мектептерінде әр түрлі бағыттағы 1948 спорттық секцияларда 35 870 оқушы айналысты (36,7%).

2017-2018 оқу жылында арнаулы орта білім беретін 38 колледждерде 493 спорттық секциялар жұмыс жасайды. Колледждің спорттық секцияларында 9848 студент айналысады.

2017 жылы өңірімізде президенттік тестілерді тапсыруға 100 047 адам қамтылды. Олардың ішінде қысқы спорт түрлерінен 44 049 адам және жазғы спорт түрлерінен 55 998 адам тартылды.

Қысқы спорт түрлері бойынша президенттік дайындық деңгейдегі нормативтерді орындағандар 1001 адам (ауылдық жерде 415 адам), ұлттық дайындық деңгейдегі нормативтерді орындағандар 2787 адам (ауылдық жерде 1249 адам).

Жазғы спорт түрлері бойынша президенттік дайындық деңгейдегі нормативтерді орындағандар 2624 адам (ауылдық жерде 1840 адам), ұлттық дайындық деңгейдегі нормативтерді орындағандар 5606 адам (ауылдық жерде 3752 адам).

Материалдық-техникалық база

Облыс бойынша спорттық ғимараттардың саны 1567 бірлікті құрайды, соның ішінде 3 стадион, 1 спорт сарайы, 13 спорт кешені, 2 спорттық манеж, 6 шаңғы базасы, 2 есу базасы, 101 ату тирі, 3 хоккей қорабшасы, 984 жазық ғимараттар, 20 теннис корты, 6 жүзу бассейні, 275 спорт зал, 151 жапсарлас салынған спорт зал.

Ағымдағы жылдың қыркүйек айында КПО б.в. компаниясының есебінен Бөрлі ауданы, Ақсай қаласында дене шынықтыру-сауықтыру кешені салынып, пайдалануға берілді. Желтоқсан айында жергілікті бюджет есебінен Зеленов ауданы, Переметный ауылында 160 орынға есептелген дене шынықтыру-сауықтыру кешенінің құрылысы аяқталды.

2017 жылдың басынан аудандарда өңірлерді дамытудың 2020 жылға дейінгі бағдарламасы аясында жергілікті бюджет есебінен 24 спорттық алаң, ал Орал қаласында «Самұрық Қазына Траст» әлеуметтік жобаларды дамыту фонды және «Street Workout» Қазақстан ассоциациясы есебінен 10 спорттық алаң салынып пайдалануға берілді.

Мемлекеттік-жекешелік әріптестігі аясында жүзеге асыруға жоспарланған жобалардың тізіміне 6 спорт объектісі кірді. Қазіргі таңда Ақжайық ауданының Чапай ауылында 320 орындық дене шынықтыру-сауықтыру кешенін салу жобасының тұжырымдамасы мен келісімшарты және конкурстық құжаттамалары дайындалды.

Сауалнама

Бос уақытыңызда Сіз дене шынықтыру және спортпен айналысасыз ба?
Мекен-жай
Қазақстан Республикасы, Батыс Қазақстан облысы, Орал қаласы, Достық-Дружбы, даңғылы, 179
Сайтты қолдау
Cтудия «Web-Design.kz»