Облыс өнеркәсібінің дамуы

2016 жыл бойынша БҚО өнеркәсіп дамуының қорытындылары

Өнеркәсіп өндірісі 2016 жылдың қорытындысы бойынша 1620,0 млрд. теңгені құрап, тау-кен және өңдеу өнеркәсібі салаларында сәйкесінше 1437,5 және 128,7 млрд. теңгені құрады.
Есептік кезең қорытындысы бойынша сәуір-мамыр айларында Қарашығанақ кен орны негізінде жоспарлы-алдын алу жөндеу жұмыстарының жүргізілуіне байланысты табиғи газ бен газ конденсаты өндірістерінің қысқаруы себебімен өнеркәсіп өндірісінің физикалық көлем индексі 98,8% құрады.
Өңдеу өнеркәсібі саласында өндіріс көлемі 2,5%-ға ұлғайды. Өңдеу өнеркәсібі өндірісі көлемінің артуына химия өнеркәсібі (13,7 есеге), қағаз және қағаз өнімдері өндірісі (2,2 есеге), жиһаздан басқа ағаштан және тоздан жасалған бұйымдарды өндіру (1,8 есеге), құрылыс индустриясы (6,1%), металлургия өнеркәсібі (3,4%) және машина жасау (2,3%) салаларында  өндіріс көлемдерінің артуымен байланысты.
2016 жыл қорытындысы бойынша өңдеу өнеркәсібінде еңбек өнімділігі 14 мың АҚШ долларын құрап, өткен жылдың сәйкес кезеңімен салыстырғанда 37,5%-ға артты.
Сондай-ақ өңдеу өнеркәсібінің барлық салаларында дерлік еңбек өнімділігінің артуы байқалады: құрылыс индустриясы - 51,1%, машина жасау – 82,2%, металлургия салас – 2,1 есе.
Өндіріс көлемдерін арттыру мақсатында облыста жаңа өндірістерді құру бойынша жұмыстар жүргізілуде. Мысалы, «Батыс Қазақстан машина жасау компаниясы» АҚ негізінде General Electric компаниясымен бірлесіп газ турбиналарын жөндеу бойынша сервистік орталық құрылды.  Жобаны жүзеге асыру мақсатында General Electric компаниясымен ынтымақтастық туралы келісімге қол қойылып, тораптар мен бөлшектерді жөндеу бойынша Frame 3/ Frame 5 құрылғыларының бөлігі сатып алынып, арнайы негіз және тораптар мен агрегаттар дайындалып, жобаланып, жасап шығарылды. Техникалық процесстер сертификатталды. Бүгінгі күні General Electric компаниясымен бірлесіп ирандық нарықты зерттеу жұмыстары жүргізілуде. Иран тарапы General Electric өнімдерін жөндеуге арналған жекелеген бөлшектерді, соның ішінде  Frame 5 турбиналарына арналған компрессорлық және жұмыс қалақтарын алуға мүдделі. Бүгінгі күні кәсіпорынмен General Electric және «Самұрық Қазына Инвест» ЖШС компанияларымен бірлесіп Frame 6/ Frame 9 сияқты жоғары заманауи құрылғыларды жөндеу бойынша біріккен кәсіпорын құру мәселесі қарастырылуда.
«Alageum Electric» компаниялар тобына кіретін «Орал трансформатор зауыты» ЖШС түрік инвесторларымен бірігіп ағымдағы жылы электротехникалық құрылғыларды өндіруге бағытталған «URALELECTRIC» ЖШС құрды. 100 жаңа жұмыс орнының құрылуымен жалпы құны 1,5 млрд.теңгені құрайтын электротехникалық құрылғыларының өндірісін бірігіп ұйымдастыру туралы меморандумға қол қойылды.  «WESTKAZINVEST - 2016» Халықаралық форумы шеңберінде КПО б.в. компаниясының жергілікті мазмұнды дамыту және алдыңғы қатарлы технологияларды қазақстандық компанияларға беруге ынтымақтасу бастамашылдығымен «АВВ» ЖШС және  «URALELECTRIC» ЖШС компаниялары арасында техникалық ынтымақтастық туралы келісімге қол қойылды. 500 млн. теңгені құрайтын жобаның І кезеңін іске қосу ағымдағы жылдың І тоқсанында жоспарлануда. Жоба Өңірлердің кәсіпкерлікті қолдау картасына енген.
2016 жылдың желтоқсан айында «Зенит» Орал зауыты» АҚ негізінде сыймдылығы 720 тоннаны құрайтын кеме өндірісін игеру мақсатында №16 корпусты (шығыс кіреберісі) қайта жаңғырту бойынша жұмыстарды аяқтады. Алдағы уақытты зауыт су сыймдылығы 720 тоннаны құрайтын 0310 «Бұлан» және өзге де жобаларды игеруге мүдделі. Зауытта өндірілетін өнімнің номенклатурасын қорғаныс саласына да және азаматтық өнімдер бойынша да кеңейтуге қор жеткілікті. Сонымен бірге, мұнай төгінділерін жинайтын, жиналған мұнайды тасымалдауға арналған барж («Зенит» Орал зауыты» АҚ), батиметрикалық зерттеулер жүргізетін арнайы кеме, су асты телевизиялық кешендер (су асты құбырларды тексеру) («Гидроприбор» ҒЗИ» АҚ) және т.б. өндірістерін игеру жоспарда бар.
«Казармапром» ЖШС негізінде әртүрлі мақсатта дайындалатын болат және шойын құймаларына термикалық өңдеу жасау бойынша өндірісті игеру жоспарлануда. Жоба әртүрлі мақсатта дайындалатын болат және шойын құймаларын термикалық өңдеге негізделген. Аталған жобаның жүзеге асуы сапалы құймаларға технологиялық база құруға, ол одан әрі сорғы құрылғыларын, механизмдерін және жөндеу базасын құру үшін қолданылатын болады.
«Орал құю-механикалық зауыты» ӨК негізінде барлық маркалы айналмалы білдектерді жасау жобасы жүзеге асырылуда, мұнай сорғылары өндірісін игеру жоспарда. Жоба негізінде сынамалық және тепе-теңдікті реттейтін қондырғы, қайта өңдеу орталығы, сондай-ақ тегістегіш-әрлендіргіш білдек сатып алу жоспарлануда.
Ағымдағы жылы франциялық «ECAROBOTICS» компаниясымен бірлесіп су асты роботтехникалырының базалық моделін жасап шығаруды игеру бойынша жұмыстар жүргізілуде. Алдағы уақытта аталған компаниямен бірлесіп, робот техникасының өзге бағыттары бойынша жұмыстану жоспарда бар. Одан өзге, индустрияландыру аясында «Гидроприбор» ҒЗИ» АҚ негізінде кіші катерлер өндірісі бойынша номенклатураны кеңейту  және қайта жаңғырту жоспарлануда. Жоба құны – 300 млн.теңге.
Сонымен бірге, өндіріс көлемдерін арттыру мақсатында аймақаралық кооперацияны дамыту үшін облыста әр-түрлі іс-шаралар ұйымдастырылуда.
2016 жылғы 12-14 сәуір күндері ҚР Ұлттық инженерлік академиясының Батыс Қазақстан облысындағы филиалы «КазИИТУ» ҒОК негізінде Қазақстан Республикасының Тәуелсіздігінің 25-жылдығына және ЭКСПО-2017 халықаралық көрмесіне арналған «Еуразиялық өзенаралық: VІ Халықаралық интеграциялық конгресс «Өндірісті, ғылымды және білімді интеграциялау» Халықаралық Форумы өткізілді. Форум жұмысына мемлекеттік органдар, ҚР ғылым және білім саласы, РФ шекаралас облыстары өкілдері қатысты. Форум барысында өнеркәсіптік кәсіпорындар және жоғарғы оқу орындарының инновациялық жобалары  көрмесі ұйымдастырылды.
2016 жылғы 16 шілде күні КПО б.в. компаниясы негізінде «Технологиялық даму жөніндегі ұлттық агенттік» АҚ, Қазақстанның қайта жаңғыртылатын қуат көздері ассосциациясы, «PSA» ЖШС өкілдері, Supernanny.kz  жобасының негізін салушылардың қатысуымен бірінші «AKZHAIYKINVEST»  инновациялық форумы өткізілді. Іс-шара шеңберінде «Орал» ӘКК» ҰК» АҚ және «Технологиялық даму жөніндегі ұлттық агенттік» АҚ арасында «SmartCity» (ақылды қала) бағдарламасының шеңберінде «Алгоритм» технопаркі» ЖШС ғимараты негізінде энерготиімді кешен құру туралы келісімге қол қойылды. Іс-шара шеңберінде Орал қаласы үшін инновациялық стартаптар мүмкіндіктері қарастырылды.
2016 жылғы 27 қазанында «КазИИТУ» ҒОК негізінде Қазақстан Республикасының Тәуелсіздігінің 25-жылдығына және ҚР Ұлттық инженерлік академиясының құрылғанына  25 жыл толуына орай «Еуразиялық кеңістіктегі инновациялық технологиялар және ғылыми-технологиялық тұрақты даму жүйесі.  ЭКСПО-2017  көрмесіне дайындық кешенді бағдарламасының кластерлік бастамасы: Астана» халықаралық ғылыми-тәжірибелік конференциясы өтті.
Өңіраралық кооперация шеңберінде Батыс Қазақстан облысының делегациясы өнеркәсіп салалар бойынша ынтымақтастықты нығайту және облыстардың инвестициялық мүмкіндіктерін талқылау мақсатында Манғыстау, Атырау, Ақтөбе облыстарына іс-сапар ұйымдастырылып, ынтымақтастықты кеңейту және өнімдерді жеткізу бойынша байланыстарды жақсарту бойынша меморандумдарға қол қойылды. Осымен бірге Батыс Қазақстан облысына  Солтүстік Қазақстан, Қарағанды облысының делегациясы іс-сапармен келді. БҚО делегаттарының Маңғыстау облысына ресми іс-сапарлары аясында «Топан» ЖШС мен «Морпорт Ақтау» АЭА» АҚ арасында Маңғыстау облысындағы АЭА территориясында химиялық зауыт құрылысы жобасын жүзеге асыру шеңберінде ынтымақтасу меморандумдарына қол қойылды.

Қазақстан Республикасы Ауыл шаруашылығы министрлігінің бастамасымен 2016 жылдың 17 қаңтарында Ақтөбе қаласында Қазақстан Республикасы Ауыл шаруашылығы министрінің, Ақтөбе, Қостанай, Батыс Қазақстан облыстары әкімдерінің, сондай-ақ «InalcaEurasiaHoldingsGesmbh» президенті Паоло Бонидің қатысуымен іскери кездесу болып өтті, оның барысында өңіраралық кооперация шеңберінде етті мал өсіруді дамыту жөніндегі бірлескен іс-қимылдар жоспарына қол қойылды.
Ағымдағы жылдың 8-9 маусымы күндері Алматы қаласында Батыс Қазақстан облысы кәсіпкерлерінің Алматы қаласы және Алматы облысының сауда кәсіпорындары өкілдерімен кездесуі өткізіліп, ынтымақтастық туралы меморандумға қол қойылды, сондай-ақ Алматы қаласына тағам өнеркәсібі өнімдерін жеткізу көлемін ұлғайту жөніндегі келісімге қол жеткізілді.
2017 жылдың қорытындысы бойынша өңдеу өнеркәсібінде өндіріс көлемін 1,6% арттыру жоспарлануда.
2015-2019 жылдарға арналған ҚР индустриялдық-инновациялық дамыту мемлекеттік бағдарламасы және оны жүзеге асыру бойынша іс-шаралар жоспарын жүзеге асыру бойынша, кластерлік дамыту, жаңа жоғары технологиялы өндірістерді құру және бизнестің дамуына жағдай жасау жұмыстары жалғастырылады.

Сауалнама

Бос уақытыңызда Сіз дене шынықтыру және спортпен айналысасыз ба?
Мекен-жай
Қазақстан Республикасы, Батыс Қазақстан облысы, Орал қаласы, Достық-Дружбы, даңғылы, 179
Сайтты қолдау
IT Group Kazakhstan