27 Мамыр 2019
131

Мұратсайлық түлектер зейнеткердің үйіне газ кіргізіп берді

 

Бөкей ордасы ауданы Мұратсай ауылындағы А.Құсайынов атындағы мектепті осыдан 10 жыл бұрын тәмамдаған түлектер өздерінің мерейлі күнін дүркіретіп  тойлаудан бас тартты. Оның орнына ауыл тұрғыны, зейнеткер Нұрзия Мамилинаның үйіне табиғи газ кіргізіп берді.

 

 

Жолдасы мен қызы дүние салған Нұрзия апай тұрмыстағы жалғызының тілеуін тілеп отырған жайы бар. Зейнеткердің қолында інісі Мейрам отбасымен тұрады.

 

– Нұрзия апайды бала кезімізден көріп-өстік. Қай үйде қуаныш, қайғы болса, сол үйдің ауыртпашылығын көтерісіп, көмектесіп жүреді. Өзі де бір кісідей қайғы көрді. Ауыл тұтастай табиғи отын тұтынып отырғанда жалғыз апайымыздың үйі ғана тезекке тәуелді еді. Осыны біліп, көріп отырғандықтан, бәріміз бір ауыздан, бір кісідей келісімге келген едік, -дейді түлектер.

 

– Нұрзия апайды бала кезімізден көріп-өстік. Қай үйде қуаныш, қайғы болса, сол үйдің ауыртпашылығын көтерісіп, көмектесіп жүреді. Өзі де бір кісідей қайғы көрді. Ауыл тұтастай табиғи отын тұтынып отырғанда жалғыз апайымыздың үйі ғана тезекке тәуелді еді. Осыны біліп, көріп отырғандықтан, бәріміз бір ауыздан, бір кісідей келісімге келген едік, -дейді түлектер.

 

Айта кетелік, түлектер ораза ұстап жатқан барша ауыл тұрғындарына ауызашар беріп, көпшіліктің алғысына бөленді. Сондай-ақ, мерекеге сай ұйымдастырылған волейбол ойынына да ақшалай демеушілік көрсетті. Бұдан өзге түлеп ұшқан мектептеріне музыкалық аспап та тарту етті.