26 Қазан 2018
464

Жәнібекте ауылішілік жол жөндеу жұмыстарының 70 пайызы аяқталды

 

26.10.2018ж

 

Бүгін партиялық бақылау аясында «Нұр Отан» партиясы Жәнібек аудандық филиалы төрағасының бірінші орынбасары Біржан Қуанәлиев, партиялық бақылау комиссиясының мүшелері және «Бірлік» ЖШС-ның бас инженері В.Цой аудан орталығында ауылішілік жолдарға асфальт төсеу жұмыстарының барысымен танысты.

 

 Олар Ғ.Қараш, Ш.Мәжитов, Ш.Шарафетдинов, Жеңіс көшелерін аралап шықты. Комиссия мүшелеріне бас инженер жолдың жөнделу технологиясын егжей-тегжейлі түсіндірді. Жөнделу жоспарланған 10 шақырым, ені 6 метрлік жолдың қазірде 70 пайызы аяқталған. Төселген асфальттың қалыңдығы 6 сантиметр.

 

Аталған жөндеу жұмыстары жобалық-сметалық құжаттамаға сай қараша айында аяқталады деп жоспарлануда.

 

Гүлзара ТӨРЕҒАЛИЕВА,

zhaikpress.kz