14 Маусым 2019
251

Оралда президенттік көпсайыстан республикалық чемпионат басталды

 

Бүгін Орал қаласындағы «Атоян» стадионында президенттік көпсайыстан республикалық чемпионат салтанатты түрде ашылды.

 

 

Спорттық дода ҚР Ішкі істер министрлігі және «Динамо» дене шынықтыру-спорт қоғамы орталық кеңесінің ұйымдастыруымен құқық қорғау қызметтерінің арнайы бөліністері арасында өтеді.

 

Оған Қазақстан Республикасы  ІІМ командасы, ҚР Ұлттық Ұлан, ҚР ІІМ Мемлекеттік күзет қызмет басқармасы, ҚР ІІМ көлік ПД, Нұр-Сұлтан қаласының, Ақтөбе, Талдықорған, Атырау, Қарағанды, Қостанай мен Қызылорда, Маңғыстау, Павлодар, Солтүстік Қазақстан, Түркістан, Шығыс Қазақстан, Жамбыл мен Батыс Қазақстан облысы командалары қатысуда.

 

 

Чемпионаттың ашылуына БҚО полиция департаменті бастығының орынбасары полиция полковнигі Нұржан Өтелбаев, ҚР  ІІМ «Динамо» дене шынықтыру қоғамы орталық кеңесі спорт басқармасының бастығы Николай Князев, ҚР ІІМ арнайы және жұмылдыру даярлығы департаментінің ерекше тапсырмалар жөніндегі аға инспекторы, полиция майоры Арслан Саттаров, БҚО бойынша қылмыстық атқару жүйесі департаменті бастығының орынбасары полиция полковнигі Манарбек Габдуллин, Қазақстан Республикасы ІІО және Ұлттық Ұлан ардагерлер кеңесінің төрағасы, отставкадағы милиция полковнигі Жайлыбай Адаев арнайы қатысты.

 

Республикалық чемпионаттың ашылуында Нұржан Өтелбаев өңіріміздің түкпір-түкпірінен келген командаларға жеңіс тілеп, азаматтардың конституциялық құқықтары мен бостандықтарын қорғау жолындағы қызметтерінде толағай табысқа кенелуге тілектес екенін жеткізді.