27 Маусым 2019
136

БҚО-да екі талапкер ҰБТ-дан ең жоғары 137 балл жинады

Батыс Қазақстан облысында биыл 5032 оқушы мектеп бітірді. Облыстық білім басқармасының баспасөз қызметі хабарлағандай, 21 маусым басталған ҰБТ сынағын 3787 түлек тапсырған.

Өңірдегі барлық тестілеу өткізу мекемелері талапқа сай жабдықталып, оқушылардың тасымалы, қонуы мен қоғамдық тəртіптің сақталуы қамтамасыз етілді. Кеше облыс бойынша сынақ аяқталды. Нəтижесінде Теректі ауданы Подстепное ауылындағы «Үміт» лингвистикалық гимназиясының оқушысы Асқар Сайын мен Орал қаласындағы дарынды балаларға арналған мамандандырылған ақпараттық технологиялар мектеп-лицейінің түлегі Зарина Сержанова ең жоғары 137 балл жинады. Екеуі де «Алтын белгі» иегерлері. Бұдан бөлек, Орал қаласындағы дарынды балаларға арналған мамандандырылған ақпараттық технологиялар мектеп-лицейінің бір түлегі Қайрат Аманжолов 136 балл, тағы екі түлек Əймедет Тауфик пен Рахат Сəрсек 135 балл жинаған. Еске сала кетейік, шекті балл жинай алмай қалғандар үшін тамыз айында тағы да тестілеу сынағы өтеді. Одан сүрінбей өткендер ақылы негізде оқуға түсе алады.