25 Қыркүйек 2019
331

Облыс әкімдігінде жаңа тағайындау

Бүгін Батыс Қазақстан облысының әкімі Ғали Есқалиев актив отырысында өзінің жаңа орынбасарын таныстырды.

 

 

«100 нақты қадам» – Ұлт жоспарында көрсетілген меритократия қағидасына сәйкес ҚР Президенті Әкімшілігі келісімімен және әкімнің өкімімен Батыс Қазақстан облысы әкімінің бірінші орынбасары болып Манкеев Мұхтар Наурызбайұлы тағайындалды.

 

Мұхтар Наурызбайұлы Манкеев – 1984 жылы туған, білімі жоғары, Жәңгір хан атындағы Батыс Қазақстан аграрлық-техникалық университетін «инженер», «экономика», Финляндия Республикасында Оулу университетін «бизнес әкімшілеу магистрі» мамандықтары бойынша бітірген.

 

Әр жылдары:

- «Жасыл Ел» Батыс Қазақстан облыстық филиалы жетекшісі, «Жасыл Ел» республикалық штабының жетекшісі,

- «Самғау» ұлттық холдингі» АҚ менеджері,

- ҚР Индустрия және жаңа технологиялар министрлігі Инжиниринг және жаңа технологиялар трансферті орталығының департамент директоры,

-  «Астана Innovations» АҚ басқарушы директоры – басқарма мүшесі,

- Солтүстік Қазақстан облысы әкімінің орынбасары  қызметтерін атқарды.

 

Күні бүгінге дейін «Фин Бизнес Хабы» компаниясының директоры, «Қазақстан 2050» жалпыұлттық қозғалысы кеңесінің төрағасы болды.

 

Ол кәсіпкерлік, өнеркәсіп және инвестициялар, ауыл шаруашылығы, ветеринария, жер қатынастары, туризм мәселеріне жетекшілік ететін болады.